Bashkimi Evropian ka hapur sot një mision diplomatik në Kuvajt, i cili rrit praninë e një delegacioni në rajon, tha sot Shërbimi Evropian i Punëve të Jashtme.

Në ceremoninë e hapjes, shefja e diplomacisë evropiane Federica Mogherini tha se hapja e zyrës përfaqësuese ishte një shenjë se BE dhe Kuvajti janë përafruar viteve të fundit.

“Në momentin e tensioneve rajonale dhe botërore, Kuvajti është zëri i arsyes dhe i fuqisë së paqes. Kjo është ajo që na bënë partnerë të natyrshëm në këto kohë të vështira,” tha Mogherini.

Ajo vuri në dukje se kjo është përfaqësia e tretë në rajonin e Gjirit, përveç Riadit dhe Abu Dhabit dhe se ajo do të jetë përgjegjëse për marrëdhëniet me Katarin.

“Unë e konsideroj këtë një mesazh për të gjithë rajonin – BE po forcon praninë dhe angazhimin e saj në Lindjen e Mesme dhe Gjirin Persik, pasi jemi fqinjë, e ndajmë rajonin dhe jemi të lidhur së bashku”, tha Mogherini.

Në ceremoninë e hapjes morën pjesë zëvendëskryeministri i Katarit, sheiku Sabah Halid el Hamad el Sabah.